Bərdədə yanğın olub, iki nəfər tüstüdən zəhərlənib

Bərdə rayonunun Uğurbəyli kəndində ümumi sahəsi 1600 m² olan talvarın altına yığılan 100 ton pambığın 1,5 tonu yanıb.

Ucnoqta.az xəbər verir ki, bu barədə Fövqəladə Hallar Nazirliyi məlumat yayıb.

Qeyd olunub ki. yüksək temperaturdan talvarın taxta atmaları 200 m² sahədə qarsalanıb.

Yanğın zamanı 2 nəfər tüstüdən zəhərlənib. Talvarın və pambığın qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.