Nazir sabiq icra başçısının oğluna Şərqi Zəngəzurda vəzifə verdi –

Əmək və əhalinin sosial müdafiəsi naziri Sahil Babayev Ağdam rayonu İcra Hakimiyyətinin sabiq başçısı Raqub Məmmədovun oğlu Sənan Məmmədova yeni vəzifə verib. 

Ucnoqta.az xəbər verir ki, qaynarinfo-nun əldə etdiyi məlumata görə, Sahil Babayevin müvafiq əmri ilə Abşeron-Xızı Regional Məşğulluq filialının müdiri Məmmədzadə Sənan Raqub oğlu vəzifəsindən azad olunub və Şərqi Zəngəzur Regional Məşğulluq filialının müdiri təyin edilib.

Nazirin digər əmri ilə Şərqi Zəngəzur Regional Məşğulluq filialının müdiri Bayramov Əbdül Yaşar oğlu vəzifəsindən azad edilib və Abşeron-Xızı Regional Məşğulluq filialının müdiri təyin olunub.