İtaliyanın "Roma" klubunun baş məşqçisi Joze Mourinyo Avropa Liqasının finalında İspaniya "Sevilya"sına uduzduqdan sonra futbolçuları ilə fəxr etdiyini bildirib.
Ucnoqta.az xəbər verir ki, bu barədə o, Avropa Futbol Assosiasiyaları İttifaqının (UEFA) rəsmi saytına deyib.
“Matçı uduzduq, amma ləyaqətimizi itirmədik. Mən qürur hissi ilə evə gedirəm. Mən qalib gələndə belə, o qədər də güclü deyildim. Mənim oğlanlarım evlərinə rahatlıqla qayıtmalı və əldə etdikləri ilə fəxr etməlidirlər. Bunlar mənim Budapeştdən olan uşaqlarımdır!” – Mourinyo qeyd edib.
Xatırladaq ki, "Sevilya" Avropa Liqasının finalında "Roma"nı məğlub edib. Turnirin həlledici görüşünün əsas və əlavə vaxtı 1:1 hesabı ilə başa çatıb və kubokun taleyi İspaniya yığmasının futbolçularının daha güclü olduğu (4:1) penaltilər seriyasında müəyyənləşib.