Ermənilərin Bakıdan paylaşdığı videonu çəkən şəxs

İki gün əvvəl erməni Teleqram kanallarında Bakıda çəkildiyi bildirilən video paylaşılmışdı. Videoda Şəhidlər Xiyabanı və ətraf ərazilər görüntülənir. Görüntülər “Biz burdayıq” sözləri ilə yayılmışdı.

Ucnoqta.az-ın əldə etdiyi məlumata görə, görüntüləri çəkən şəxs hüquq-mühafizə orqanlarının əməkdaşları tərəfindən aşkar edilərək saxlanılıb.
Həmin şəxsin erməni olmadığı bildirilir. 

Daxili İşlər Nazirliyinin (DİN) Mətbuat Xidmətinin şöbə rəisi, polis polkovnik-leytenantı Elşad Hacıyevlə əlaqə saxladıq. Şöbə rəisi DİN-də həmin şəxsin saxlanılması barədə məlumatın olmadığını bildirdi.