Bəziləri axşam saat 6-dan sonra yeməkdən çəkinir.
Lent.az xarici mediaya istinadən xəbər verir ki, dietoloq Natalya Kruqlova isə “əgər insan gec yatırsa 6-dan sonra yeyə bilər” deyib.
Həkim yeməklər arasında böyük fasilələr yaratmamağı tövsiyə edərək, həmçinin aclığı azaltmaq üçün nahar və şam yeməyi arasında yüngül yeməklər də məsləhət görüb.
“Saat 18:00-dan sonra yemək yeməmək yalnız tez yatanlar üçün aktualdır, onlar üçün bu, əsasdır. Bir şəxs 22:00, 23:00 və daha sonra yatırsa, axşam yeməyində heç bir problem yoxdur”, deyə Kruqlova bildirib.
Onun sözlərinə görə, eyni zamanda, axşam tərəvəz və süd məhsullarından ibarət yüngül şam yeməyi seçmək daha yaxşıdır:
“Bu tərəvəz salatı, bişmiş tərəvəz, zülal olaraq az yağlı pendir və ya kəsmik kimi süd məhsulları, balıq, dəniz məhsulları, quş əti, qarabaşaq yarması, qəhvəyi düyü, bulqur və s. ola bilər”.