Natamam peyvənd olunanlar arasında “Omikron”a yoluxanlar artıb

Peyvəndin hər iki dozasını vurdurmayanlar və ya ikinci dozadan 4-5 ay keçən şəxslərdə "Omikron"a yoluxma sayı artıb.

Bunu Klinik Tibbi Mərkəzin baş infeksionisti Fərrux Sədirov deyib. O bildirib ki, buna görə də buster doza ciddi şəkildə tövsiyə olunur.

""Omikron"un digər ştammlardan fərqli olaraq formalaşmış immun sistemindən yayındığına dair ön fikirlər var. Bu da onun daha ciddi mutasiya olduğunu göstərir. Bu ştammın peyvənd olunmuş və xəstəlik keçirmiş şəxslərdə də xəstəlik törətmə qabiliyyəti var".

Qeyd edək ki, ilk dəfə noyabrın sonunda Afrikanın cənubunda qeydə alınan "omikron" ştammı bu günədək 60-a yaxın ölkədə aşkar edilib.///trend