Azərbaycanda ötən ay geyim və ayaqqabı satışları azalıb

Bu ilin yanvar ayında Azərbaycanın pərakəndə ticarət şəbəkəsində 495,2 mln. manat dəyərində toxuculuq məhsulları, geyim və ayaqqabılar satılıb.

Dövlət Statistika Komitəsindən "APA-Economics"ə verilən məlumata görə, bu rəqəm əvvəlki ilin analoji dövrü ilə müqayisədə 10,1% azalıb. Ötən ilin dekabr ayı ilə müqayisədə isə geyim əşyalarının istehlakı 27,9% azalıb.

Qeyd edək ki, yanvar ayında istehlakçıların pərakəndə ticarət şəbəkəsində xərclədiyi vəsaitin 15,7%-i toxuculuq məhsullarının, geyim və ayaqqabıların alınmasına sərf olunub.