Çin və Pakistan ABŞ və İran arasında hərbi əməliyyatların dərhal dayandırılmasına və danışıqların tezliklə bərpa olunmasına çağırıblar.
Ucnoqta.az xəbər verir ki, bu barədə Çin Xarici İşlər Nazirliyinin Şanxayda Çin Xarici İşlər naziri Vanq Yi ilə Pakistan Baş nazirinin müavini və xarici işlər naziri İshaq Dar arasında keçirilən görüşdən sonra verdiyi açıqlamada bildirilib.
Qeyd olunur ki, tərəflər münaqişə tərəflərini hərbi əməliyyatları dərhal dayandırmağa, çətinlikləri dəf etməyə, maneələri aradan qaldırmağa, əlaqələri və dialoqu bərpa etməyə və danışıqlar yolu ilə hərtərəfli sülh sazişi bağlamağa çalışmağa çağırdılar.
Vanq Yi ABŞ və İran arasında əldə edilən anlaşma memorandumunun ilk mərhələdə asanlıqla əldə edilmədiyini vurğulayıb.
Çin Xarici İşlər naziri Pakistanın vasitəçilikdəki rolunu qeyd etdi və Pekinin İslamabadın səylərini dəstəkləməyə davam edəcəyini bildirdi. Öz növbəsində, Pakistan diplomatı atəşkəs elan edilməsinə və danışıqların yenidən başlamasına kömək etməyə davam etməyə hazır olduğunu bildirdi.