Şanxay səlahiyyətliləri Ko Mei qasırğasının metropolisə vuran güclü yağışlar səbəbindən 280 mindən çox insanı müvəqqəti olaraq təhlükəsiz yerə köçürüb.
Ucnoqta.az xəbər verir ki, bu barədə Çin Mərkəzi Televiziyası məlumat yayıb.
Şəhər daşqın və tayfunlara qarşı dörd səviyyəli reaksiyanın üçüncü səviyyəsini aktivləşdirib (birinci səviyyə ən yüksəkdir).
Şanxay meteoroloji stansiyasının proqnozlarına görə, 24 saat ərzində metropolisə 80 mm-dən çox yağıntı düşəcək ki, bu da sel təhlükəsi olan ərazilərdə daşqınlara səbəb ola bilər.
“Ko Mei” qasırğası iyulun 29-dan 30-na keçən gecə Şanxay da daxil olmaqla, Çinin şərqindəki Yantszı çayı deltasına güclü yağışlar və güclü külək gətirib.
Fırtına Şanxay aqlomerasiyası ilə şimal-qərbə doğru irəlilədikcə küləyin sürəti 28 m/s-ə çatacaq.