ABŞ prezidenti Donald Tramp administrasiyası bəzi Amerika şirkətlərinə Çinə mal satmağı qadağan edib.
Ucnoqta.az-ın məlumatına görə, bu barədə CNN Ticarət Departamentinin adı açıqlanmayan nümayəndəsinə istinadən xəbər verir.
Kanalın mənbəsinin sözlərinə görə, departament Çin üçün strateji əhəmiyyət kəsb edən ixracatları nəzərdən keçirir.
O qeyd edib ki, bəzi hallarda Ticarət Departamenti işə baxılarkən ixrac lisenziyalarını dayandırıb və ya əlavə lisenziya tələbləri qoyub.
Öz növbəsində, Financial Times qeyd edir ki, Tramp administrasiyası yarımkeçiricilərin hazırlanmasında istifadə olunan proqram təminatı təklif edən Amerika şirkətlərindən Çində xidmətlərin satışını dayandırmağı tələb edib.
Bir neçə mənbəyə görə, ABŞ Ticarət Departamenti "Cadence", "Synopsys" və "Siemens EDA" daxil olmaqla, elektron dizayn avtomatlaşdırma qruplarına Çinə texnologiya tədarükünü dayandırmağı əmr edib.
Qəzetin mənbələrinə görə, Ticarət Departamentinin Sənaye və Təhlükəsizlik Bürosu təlimatı məktublar şəklində şirkətlərə göndərib, lakin bütün şirkətlərin onları alıb-almadığı hələlik bəlli deyil.