Təyyarədə təklif olunan isti içkilər uşaqlar və immuniteti zəif olan insanlar üçün həmişə təhlükəsiz deyil.
Ucnoqta.az xəbər verir ki, bir çox stüardessa təyyarədə isti su içmir. Fakt budur ki, uçuş zamanı çay və qəhvə üçün su butulkalardan deyil, krandan alınır. Aparılan yoxlamalara görə (söhbət həm beynəlxalq reyslərdən, həm də xarici aviaşirkətlərdən gedir) 158 təyyarədə götürülən su nümunələrinin 13 faizində təhlükəli bakteriyalar aşkar edilib. İki təyyarənin suyunda da E.coli aşkar edilib. Ümumilikdə, hər səkkiz təyyarədən birinin su təhlükəsizliyi standartlarına uyğun olmadığı aşkar edilib.