İsraildə Qərbi Nil qızdırması yayılmaqda davam edir və mayın əvvəlindən bu günə qədər 153 xəstədə bu xəstəlik aşkarlanıb.
Ucnoqta.az xəbər verir ki, bu barədə İsrail Səhiyyə Nazirliyi məlumat yayıb. Məlumata görə, 1daha 1 xəstə ölüb.
Səhiyyə Nazirliyi qeyd edib ki, yoluxanların əksəriyyəti İsrailin mərkəzi hissəsinin sakinləridir. Təl-Əviv metropoliteninin daxil olduğu bu ərazidə ölkə əhalisinin əhəmiyyətli bir hissəsi yaşayır.
Nazirlik xatırladıb ki, Qərbi Nil qızdırması ümumiyyətlə İsraildə çoxdan məlumdur, yoluxanların təxminən 80%-də xəstəliyin heç bir təzahürü yoxdur. Təxminən 20% hallarda qızdırma, halsızlıq və baş ağrıları da daxil olmaqla müxtəlif şiddətli simptomlar müşahidə olunur və yalnız 1% hallarda ciddi nevroloji ağırlaşmalar qeydə alınır. Səhiyyə Nazirliyinin mütəxəssisləri xatırladırlar ki, infeksiyanın əsas daşıyıcısı ağcaqanadlardır və buna görə də ölkə sakinlərinə həşəratları dəf etmək üçün repellentlərdən və digər vasitələrdən daha tez-tez istifadə etmək tövsiyə olunur.