Astanada Rusiya və Türkiyə prezidentləri Vladimir Putin və Rəcəb Tayyib Ərdoğan arasında danışıqlar başa çatıb.
Ucnoqta.az TASS-a istinadən xəbər verir ki, liderlərin söhbəti bir saata yaxın davam edib.
Dövlət başçıları iqtisadi əməkdaşlığı müzakirə edərək, böyük layihələrin fasiləsiz həyata keçirildiyini qeyd ediblər. Xüsusilə enerji sahəsində əməkdaşlıq məsələləri müzakirə edilib. Digər mövzu rusların Türkiyəyə səyahəti olub: keçən il Rusiya Federasiyasından respublikaya rekord sayda turist gəlib.
Putin Ərdoğana söz verib ki, o, mütləq Türkiyəyə səfər edəcək: onun səfəri çoxdan planlaşdırılıb, lakin qrafikləri razılaşdırmaq mümkün olmayıb. Ərdoğan qeyd edib ki, o, həmkarının “ən qısa zamanda” səfərini gözləyir. Liderlərin Suriya və Ukraynadakı vəziyyəti müzakirə edəcəkləri də açıqlanıb.