Almaniyada Nürburqrinq yarış trekinin sahibi olan "NR Holdinq" Reynland-Pfalts federal əyalətində yerləşən müflis olan Frankfurt-Han hava limanını alıb.
Ucnoqta.az xarici mətbuata istinadən xəbər verir ki, sövdələşmə təxminən 20 milyon avro dəyərindədir.
Onun sözlərinə görə, "NR Holdinq"in rusiyalı biznesmen Viktor Xaritoninə məxsus olduğu deyilir. Rusiyalı iş adamının Aİ-nin sanksiyalar siyahısında olmadığı qeyd edilir.
Frankfurt Han Hava Limanı Frankfurt Mayn və Lüksemburq arasında, hər iki şəhərdən təxminən 120 km məsafədə yerləşir.
Hava limanı keçmiş Amerika hərbi aerodromunun bazasında təchiz edilmişdir.
Mülki təyyarələrin ilk uçuşları 1993-cü ildə həyata keçirilib. 2007-ci ildən hava limanının sərnişin dövriyyəsi və gəlirləri azalmağa başlayıb və 2021-ci ildə onun sahibləri müflis olmaq elanı veriblər.
Emin