Aralıq dənizi mətbəxi və sağlam həyat üçün əvəzolunmaz olan zeytun yağı əsrlərdir şəfa mənbəyi kimi qəbul edilir. Qədim yunanlar və romalılar tərəfindən gözəllik və sağlamlıq iksiri kimi istifadə edilən zeytun yağı bu gün də qida dəyəri və faydaları ilə seçilir.
Ucnoqta.az xəbər verir ki, Prof. Dr. Canan Karatayın "qızıl su" olaraq xarakterizə etdiyi bu qida sözün əsl mənasında şəfa verir.
Gündə bir qaşıq içmək bədəni sağaldır və bədəndə zəhər buraxmır.
Ürək dostu
Zeytun yağı ürək-damar xəstəliklərindən qoruyur. Tərkibindəki mono doymamış yağ turşuları sayəsində LDL (pis) xolesterini aşağı salır və HDL (yaxşı) xolesterini artırır. Bu infarkt və insult riskini azaldır.
Xərçənglərdən qoruyur
Zeytun yağı antioksidantlarla zəngindir. Bu antioksidanlar sərbəst radikalların yaratdığı hüceyrə zədələnməsinin qarşısını alaraq xərçəngdən qoruyur. Xüsusilə döş, kolon və prostat xərçəngi riskini azaltdığı bilinir.
Beyin sağlamlığını dəstəkləyir
Zeytun yağı beyin funksiyalarını yaxşılaşdırır və yaddaşı gücləndirir. Alzheimer və Parkinson kimi neyrodegenerativ xəstəliklərdən də qoruya bilər.
Həzm sistemini tənzimləyir
Zeytun yağı həzm sisteminin müntəzəm işləməsinə kömək edir. Qəbizliyin qarşısını alır, öd kisəsi və mədəaltı vəzi funksiyalarını dəstəkləyir. Mədə xorası və qastrit kimi həzm sistemi xəstəliklərinə də yaxşı gəlir.
İmmun sistemini gücləndirir
Zeytun yağı immunitet sistemini gücləndirməyə kömək edir. Bədəni infeksiyalara qarşı daha davamlı edir.
Dəri və saç sağlamlığını qoruyur
Zeytun yağı dəri və saç sağlamlığı üçün də çox faydalıdır. Dərini nəmləndirir, qidalandırır və yumşaldır. Saç tökülməsinin qarşısını alır, saçlara parlaqlıq və canlılıq verir.
Arıqlamağa kömək edir
Zeytun yağı maddələr mübadiləsini sürətləndirir və yağların yandırılmasını asanlaşdırır. Bu, kilo vermə prosesini dəstəkləyir.
Sümük sağlamlığını qoruyur
Zeytun yağı sümükləri gücləndirməyə kömək edir. Osteoporoz kimi sümük xəstəliklərindən qoruya bilər.
Şəkərli diabet riskini azaldır
Zeytun yağı qan şəkərini tənzimləyir və diabet riskini azaldır.
İltihabın qarşısını alır
Zeytun yağı iltihab əleyhinə xüsusiyyətlərə malikdir. Orqanizmdə iltihabın qarşısını alır və xroniki xəstəliklərdən qoruyur.