2
Bu ilin yanvar-sentyabr aylarında Azərbaycanda nəqliyyat sektorunda daşımaların həcmində xüsusi çəkisi ən böyük olan avtomobil nəqliyyatı ilə 113,3 mln. ton yük daşınıb ki, bu da ötən ilin müvafiq dövrü ilə müqayisədə 2,8% çoxdur.
"APA-Economics"ə Dövlət Statistika Komitəsindən verilən məlumata əsasən, ötən dövr ərzində avtomobil nəqliyyatı ilə 1 313 mln. sərnişin daşınıb ki, bu da 2,2%-lik artım deməkdir. Məlumata əsasən, sərnişinlərin 96%-i avtobus, 4%-i isə minik taksilərinin xidmətlərindən istifadə edib.
"Hesabat yük dövriyyəsi 2,8%, sərnişin dövriyyəsi isə 2,3% artıb", – deyə Komitənin məlumatında qeyd olunub.