0
İtaliya çempionatında 31-ci turun oyunları keçirilir.
Turun mərkəzi matçı bu gün Turində baş tutub. Lider “Yuventus” evdə “Milan”ı qəbul edib. “Ağ qaralar” bu matçda 0:1 hesabı ilə geri düşsələr də, sonradan geridönüş edərək 2:1 hesablı qələbə qazanıb.
"Yuventus" – "Milan" – 2:1
Qollar: Piatek, 39 (0:1), Dibala, 60-pen (1:1), Kin, 84 (2:1)
Bu qələbə ilə xalını 84-ə yüksəldən Turin klubu 1-ci pillədə qərarlaşıb. Əgər 2-ci pillədə olan "Napoli" (63 xal) bu turda xal itirərsə, yarışın bitməsinə 7 tur qalmış çempionluğu rəsmiləşdirəcək.
Qeyd edək ki, "İnter" 56 xalla 3-cü, "Milan" 52 xalla 4-cüdür.