Xəbərdarlıq: Temperatur aşağı enəcək, yağış yağacaq

Ekologiya və Təbii Sərvətlər Nazirliyi (ETSN) rayonlarda gözlənilən hava şəraiti ilə bağlı xəbərdarlıq edib.

Ucnoqta.az xəbər verir ki, ETSN-dən verilən məlumata görə, mayın 25-i gündüz əsasən qərb rayonlarında, mayın 26-sı gündüzdən 27-si axşamadək əksər rayonlarda hava şəraitinin qeyri-sabit keçəcəyi, şimşək çaxacağı, arabir yağış yağacağı gözlənilir. Bəzi yerlərdə yağışın leysan xarakterli olacağı, dolu düşəcəyi ehtimalı var. Qərb küləyi əsəcək, arabir güclənəcək.

Havanın temperaturu mayın 26-27-də tədricən 4-7 dərəcə aşağı enəcək. Çaylarda sululuğun artacağı ehtimal olunur.