Güclü külək Tbilisi aeroportunda uçuşların qrafikində gecikmələr yaradıb. Bu gün Bakıdan Tbilisiyə uçan uçan təyyarə güclü küləklə əlaqədar bir saata yaxın hava limanında eniş edə bilməyib.
"Ucnoqta.az" “Report”a istinadən bildirir ki, təyyarənin saat 10:45-də eniş etməsi mümkün olub.
Qeyd edək ki, ləngimələrdə digər reayslərdə də müşahidə olunur.
Qeyd edək ki, Gürcüstan paytaxtı Tbilisidə dünən gecə boyu davam edən güclü külək ağacları kökündən çıxarıb, elektrik xətlərini və avtomobilləri zədələyib. Gürcüstan paytaxtının bir neçə rayonunda elektrik enerjisi təchizatı məhdudlaşdırılıb. Bundan əlavə, güclü küləyə görə təyyarə uçuşlarını təxirə salmaq zərurəti yaranıb. O cümlədən Tbilisidən Almaniya və Türkiyə istiqamətində iki reys həyata keçirilməyib. Sərnişinlər hava limanında gözləmək məcburiyyətində qalıblar.
Tbilisi Beynəlxalq Hava Limanında küləyin sürəti saniyədə 31 metrə çatıb.