1
Azərbaycanda səfərdə olan Türkiyənin milli müdafiə naziri Nurəddin Canikli Fəxri xiyabana gələrək ümummilli lider Heydər Əliyevin xatirəsini ehtiramla yad edib, onun məzarı üstünə əklil və tər çiçəklər qoyub. "Report" xəbər verir ki, görkəmli oftalmoloq alim, akademik Zərifə xanım Əliyevanın da xatirəsi hörmətlə yad edilib, məzarı önünə tər çiçəklər düzülüb.
Daha sonra türkiyəli nazir türk əsgərlərinin şərəfinə ucaldılmış abidəni və Şəhidlər xiyabanını ziyarət edib, şəhidlərin qəbirləri üzərinə gül dəstələri düzüb.