“Qalatasaray” – “Fənərbağça” derbisindən sonra dava düşdü – ANBAAN GÖRÜNTÜLƏR

Türkiyə Super Liqasının IX turunda “Qalatasaray” “Fənərbağça”nı 2:1 hesabı ilə məğlub edib. Qarşılaşmadan sonra komandaların futbolçuları arasında dava düşüb.

Ucnoqta.az xəbər verir ki, final fitindən sonra “Qalatasaray”ın futbolçusu Roland Sallai ilə “Fənərbağça”nın oyunçusu Kerem Aktürkoğlu arasında mübahisə yaranıb.

Daha sonra digər futbolçular da mübahisəyə qarışıb. “Fənərbağça”nın futbolçusu Arçi Braunla “Qalatasaray”ın müdafiəçisi Abdülkərim Bardakcı arasında da qarşıdurma yaşanıb. Hər iki futbolçu yerə yıxılıb.

Hadisələrin böyüməsindən sonra polis əməkdaşları meydana daxil olaraq qarşıdurmanı çətinliklə dayandırıblar. Futbolçular daha sonra polis əməkdaşlarının müşayiəti ilə paltardəyişmə otağına yollanıblar.