3
İndoneziya Bali adasındakı Mason Fil Parkı fil gəzintisi təklif etməyi dayandırıb.
Ucnoqta.az xəbər verir ki, Detik portalına görə, bu, adadakı son belə bir attraksion idi.
Portala görə, attraksion adanın Meşə Təsərrüfatı nazirliyinin qadağa ilə bağlı iki xəbərdarlıq etməsindən sonra bağlanıb.
Bali Təbii Sərvətlərin Qorunması Agentliyi attraksionların yenidən başlamamasını təmin etmək üçün onları izləyəcək. Bali İndoneziyada fil gəzintilərini bağlayan ilk bölgə olub.
Mason Fil Parkı Sumatra filləri üçün sığınacaqdır. Burada bu heyvanlardan 27-si yaşayır. Həmçinin muzey və təhsil mərkəzi də yerləşir.