Mütəxəssislər selfilərin ən çox turistlərin ölümünə səbəb olduğu ölkənin adını açıqlayıblar.
Ucnoqta.az xəbər verir ki, bu barədə The Barber Law Firm-in araşdırmasına istinadən The New York Post (NYP) məlumat yayıb.
Məlumata görə, Hindistan selfi çəkmək üçün dünyanın ən təhlükəli ölkəsi olub. Bu, şəxsi fotoşəkillərin yaradılması ilə bağlı bütün hadisələrin 42,1 faizini təşkil edir. 271 qəzadan 214-ü faciə ilə başa çatıb, fotoların 57 müəllifi xəsarət alıb.
İkinci yerdə ABŞ qərarlaşıb. Burada 45 hadisə qeydə alınıb, onlardan 37 nəfər ölüb, 8 nəfər yaralanıb. Selfie çəkərkən baş verən 19 insidentlə Rusiya üçüncü yeri tutub – 18 qurban və 1 xəsarət.
Bildirilir ki, bütün dünyada şəxsi foto müəlliflərinin həyatına son qoyan insidentlərin ən çox yayılmış səbəbi hündürlükdən yıxılmadır – 46 faiz.