Müğənni Əlikram Bayramov itkin düşdükdən 35 gün sonra tapılan qardaşı oğlu Rahid Bayramovdan danışıb.
Sənətçi "Həmin Zaur" verilişində onun Bakıdan tapıldığını bildirib:
"Başı qarışıq olub. Dənizçiliyə sənəd düzəldirdi. Biləsuvardan Bakıya gəlmişdi, 35 gün onu axtardıq. Xoşqədəm xanım onu şəhərdən tapdı, bazarda işləyirmiş. Heç kimə, atasına və anasına da heç nə deməyib. Bilmirəm niyə deməyib. 33 yaşındadır, evlidir, 2 övladı da var".
Zaur Kamalın "Bəlkə ailəsi ilə nəsə problemi var" sualına Əlikram Bayramov "Məni başqa işlərə qarışdırma. Elə şeylər var ki, onları danışmaq istəmirəm. Çünki öz oğluma görə məsuliyyət daşıyıram" cavabını verib.
Müğənni aparıcının "Həyat yoldaşından ayrılmayıbsa, bəs ondan soruşmayıb ki, haradasan" sualına isə "Hamısı evdədir, ayrılmayıblar. Allah ona can sağlığı versin. Onlara getmədim. Əsəbimdən heç danışdırmadım" deyə, bildirib.
Zaurun "Qız məsələsidir" sualına isə Əlikramın oğlu Qabil "Yəqin ki, elə olar" cavabını verib.
Qeyd edək ki, Rahib Bayramov mayın 7-si Biləsuvardan Bakıya gəlib, ayın 8-dən isə ondan xəbər alınmamışdı. O, ötən ay Sabunçu Rayon Polis İdarəsi 15-ci Polis Bölməsinin əməkdaşları tərəfindən tapılıb. /axsam.az