"WhatsApp" süni intellektə əsaslanan yeni funksiyanı sınaqdan keçirir. Bu funksiya istifadəçilərə şəxsi çatlar, qruplar və kanallarda oxunmamış mesajların qısa xülasəsini təqdim edəcək.
Ucnoqta.az xəbər verir ki, funksiya hazırda yalnız "Android" cihazlarında beta test mərhələsindədir və məhdud istifadəçi qrupuna təqdim olunub.
Xülasə funksiyasını aktivləşdirmək üçün "Private Processing" rejimi işə salınmalıdır. Oxunmamış mesajlar çox olduqda, "Meta AI" düyməsi görünəcək və bu düymə vasitəsilə yazışmanın qısa icmalı əldə ediləcək.
Şirkət bildirir ki, bu prosesdə məxfilik qorunur, məlumatlar saxlanmır və istifadəçiyə aid edilmir. Eyni zamanda, "Advanced Privacy" rejimi aktiv olduqda bu funksiya avtomatik sönür.
Qeyd edək ki, funksiyanın bütün istifadəçilər üçün nə zaman istifadəyə veriləcəyi və iOS versiyası ilə bağlı detallı məlumat hələ açıqlanmayıb.