Mərakeşdə iki “Bugatti Chiron” hiperkarı və yük maşını qəzaya uğrayıb.
Ucnoqta.az xəbər verir ki, Reddit portalı istehsalçının təşkil etdiyi “Grand Tour of Morocco” yarışında iştirak edən fransız avtomobillərinin arxasında hərəkət edən avtobusda quraşdırılmış kameradan çəkilmiş görüntüləri əldə edib. Hadisə Tangier və Tetouan şəhərlərini birləşdirən magistral yolda baş verib.
Yayımlanan görüntülərdə hadisələrin yolda necə cərəyan etdiyini və nəticədə bahalı qəzaya səbəb olduğunu görə bilərsiniz.
Yayımlanan görüntülərə əsasən, ilk üç Bugatti hiperkarı dar yolda avtobusu ötüb.
Gümüş rəngli “Chiron Super Sport”un sürücüsü daha sonra yük maşını keçmək qərarına gəlib. Eyni zamanda qabaqda ağ rəngli Chiron Pur Sport var idi ki, onun da sürücüsü yavaş avtomobili ötmək qərarına gəlib.
Nəticədə iki hiperkar manevri eyni vaxtda yerinə yetirib. Aralarındakı məsafə çox qısa olduğu üçün “Bugatti” bir-birinə dəyib, bundan sonra avtomobillərdən biri yük maşını ilə toqquşub, o, xəndəyə uçaraq aşıb.
Ağ rəngli Pur Sport-un sürücüsü avtomobili yolda saxlaya bilsə də, hiperkara da ziyan dəyib.
İki fransız modelinin qiymətinin dörd milyon avronu keçə biləcəyini nəzərə alsaq, avtomobillərin təmiri ucuz başa gəlməyəcək.