Tacikistanda bütün işçilər üçün minimum əmək haqqı iyulun 1-dən 33% – 600 somonidən 800 somoniyə (56,4 dollardan 75,2 dollara) yüksəlib.
Ucnoqta.az xəbər verir ki, bu barədə respublika prezidenti Emoməli Rəhmonun mətbuat xidməti tərəfindən açıqlamalar dərc edilmiş fərmanında deyilir.
Bundan başqa, fərmana əsasən, iyulun 1-dən sığorta, əmək və sosial pensiyalar, habelə onlara verilən mükafatlar da 30 faiz artırılıb. Həmçinin bütün məktəb və məktəbəqədər təhsil müəssisələrinin müəllimlərinin, əlavə təhsil institut və müəssisələrinin, idman məktəblərinin işçilərinin, elmi işçilərin, habelə mədəniyyət sahəsi, kitabxana, muzey, klub, mətbu nəşr işçilərinin əməkhaqlarının 40 faiz artırılması qərara alınıb. Bakalavr və magistratura tələbələri üçün bütün təqaüdlər eyni məbləğdə artırılıb.
Həmçinin istedadlı mütəxəssisləri dövlət qulluğuna cəlb etmək üçün həkimlərin və tibb işçilərinin, sosial işçilərin maaşlarının artırılması, habelə dövlət orqanlarında, bələdiyyələrdə və kənd idarələrində vəzifəli şəxslərin baza maaşlarının artırılması barədə qərar qəbul edilib. ///tass