Azərbaycan Respublikası Audiovizual Şurasının növbəti iclası keçirilib. İclasda bir sıra məsələlərə baxılıb.
Şuradan Ucnoqta.az-a verilən xəbərə görə, ilk olaraq, Audiovizual Şuranın 23 yanvar 2024-cü il tarixli 01/24-01 nömrəli qərarı ilə ümumölkə yerüstü radio yayımçısı lisenziyasının verilməsi üçün elan edilmiş müsabiqəyə sənəd təqdim etmiş "Sağlam Media" MMC-nin və "Orion Sky" MMC-nin iddiaçı kimi müsabiqəyə buraxılması və iddiaçıların müsabiqə şərtlərinə uyğunluğu və yayım imkanları barədə rəy verilməsi üçün müvafiq komissiyanın yaradılması haqqında qərar qəbul edilib.
Daha sonra audiovizual media fəaliyyəti üçün lisenziya verilməsi ilə əlaqədar Audiovizual Şuraya edilmiş son müraciətlər müzakirə olunub. Qəbul olunmuş müvafiq qərarlara əsasən "AZ-EVRO TEL" MMC-yə (operator xidmət adı: "Azeurotel") sadə platforma operatoru, "SPORT TV.AZ" MMC-yə peyk yayımı həyata keçirməyən platforma yayımçısı (idman janrlı, televiziya redaksiya adı: "Sport TV") lisenziyaları verilib.