Şəki-Zaqatala Regional Təhsil İdarəsi tabeliyindəki ümumi təhsil müəssisələrində hal-hazırda vakant olan laborant, kitabxanaçı, kitabxana müdiri, katibə-makinaçı, gənclərin çağırışaqədərki hazırlığı rəhbəri, təsərrüfat işləri üzrə direktor müavini, uşaq birliyi təşkilatı rəhbəri, psixoloq və mühasib vəzifələrinə işə qəbul müsabiqəsinin test imtahanı keçirilib.
Ucnoqta.az xəbər verir ki, 4 seansda təşkil olunan test imtahanında 700 nəfər iştirak edib.
İmtahanda namizədlərə 50 test tapşırığını cavablandırılması üçün 80 dəqiqə vaxt verilib.
Qeyd edək ki, vəzifə üzrə ən yüksək bal toplamış namizəd vəzifəyə təyin ediləcək.
Həmçinin imtahan iştirak edən görmə qüsurlu namizədə idarənin əməkdaşları tərəfindən sualların cavablandırılmasına köməklik göstərilib.