Dünən Daşkəsəndə ər və arvadın meyiti bir neçə gün sonra tapılıbmış.
“Qafqazinfo”nun məlumatına görə, Mədənçilər qəsəbəsində öldürülən 86 yaşlı Məhərrəm Məmmədov və həyat yoldaşı 77 yaşlı Pəri Məmmədovanın qonşuları onları sonuncu dəfə martın 31-də gördüklərini deyiblər.
Bir neçə gün onların evindən səs çıxmadığını anlayan qonşular sonra Məmmədovların yaxınlarını çağıraraq evə baxıblar. Nəticədə hər iki şəxsin cəsədi aşkar olunub.
Qonşuların sözlərinə görə, kənddə gecələr naməlum şəxs evlərin pəncərə və qapılarını döyüb. Lakin həmin şəxs və şəxslərin kim olduğu bilinməyib.
Qeyd edək ki, keçirilən əməliyyat tədbirləri ilə qətli törətməkdə şübhəli bilinən 1983-cü il təvəllüdlü Daşkəsən rayonu Mədənçilər qəsəbə sakini, əvvəllər məhkum olunmuş Şahin Ələsgərov saxlanılaraq istintaqa təhvil verilib.