1
Bu gün Bakı şəhərində bayram konsertləri keçiriləcək.
Bu barədə Bakı Şəhər İcra Hakimiyyəti məlumat yayıb.
Bildirilib ki, dekabrın 31-i saat 15:00-dan 16:00-a kimi Bakı Şəhər İcra Hakimiyyəti və Bakı Şəhər Mədəniyyat İdarəsinin təşkilatçılığı ilə şəhərin mərkəzində üç yerdə (1 – Natəvanın heykəlinin qarşısı, 2 – Xaqani bağı və 3 – Fəvvarələr bağı) 31 Dekabr – Dünya Azərbaycanlılarının Həmrəyliyi Günü və Yeni il münasibəti ilə şəhər sakinləri və qonaqlar üçün konsert proqramları təşkil ediləcək.
Konsertdə muğam triosu, skripka triosu və cazmenlər maraqlı proqramlarını təqdim edəcəklər.