Gəncədə silsilə oğurluqlarda şübhəli silinən şəxs saxlanılıb

Gəncə şəhərində müxtəlif vaxtlarda mağazalardan, gözəlik salonlarından və ofisdən oğurluq etməkdə şübhəli bilinən şəxs saxlanılıb.

"Report"un Qərb bürosunun məlumatına görə, müxtəlif vaxtlarda şəhər ərazisindəki 1 ofisdən, 3 mağazadan və 2 gözəllik salonundan ümumilikdə 2605 manat pul və mobil telefon oğurlanıb.

Gəncə şəhər Baş Polis İdarəsinin 1-ci Polis Şöbəsi əməkdaşlarının keçirdikləri əməliyyat-axtarış tədbirləri nəticəsində oğurluqda şübhəli bilinən Gəncə şəhər sakini, R.İbişov saxlanılıb.

Qeyd edək ki, R.İbişov keçmiş məhkum olub.

Faktla bağlı araşdırma aparılır.