Ağcəbədidə içməli suyun verilməsində məhdudiyyətlər yarandı

Magistral su kəmərində baş vermiş qəzanın aradan qaldırılması ilə əlaqədar Ağcəbədi şəhərinə içməli suyun verilməsində məhdudiyyətlər yaranıb.

“Azərsu” ASC-dən verilən məlumata görə, hazırda qəza briqadası və texnikası qəza yerində işləyir.

Qəza aradan qaldırıldıqdan sonra şəhərə suyun verilişi bərpa olunacaq.