Türkiyənin kənd təsərrüfatı və meşəçilik naziri Bekir Pakdemirli meşə yanğınları ilə bağlı son vəziyyəti açıqlayıb.
Ucnoqta.az xəbər verir ki, nazir bu barədə tviter səhifəsində məlumat verib.
“28 iyuldan başlayan və 15 gündür davam edən yanğınların son həlqəsi olan Muğla-Köyceğizdəki meşə yanğınlarını da meşə qəhrəmanları sayəsində nəzarətə aldıq. Beləliklə, böyük yanğınların hamısını söndürmüşük”, – nazir bildirib.
Xatırladaq ki, iyulun 28-dən Türkiyədə başlayan meşə yanğınları 46 vilayətə ziyan vurub. Bu faciəvi hadisə nəticəsində 8 nəfər vəfat edib, çoxlu sayda heyvan ölüb, minlərlə insan evindən didərgin düşüb, minlərlə ağac, çiçək, kol və başqa bitki örtüyü məhv olub. Türkiyəni bürüyən yanğınların söndürülməsi üçün Azərbaycan, Ukrayna, Rusiya, İran, ABŞ, Avropa İttifaqı və başqa dövlətlər yardım ediblər.///report