1
Ukraynanın Odessa şəhərində qətlə yetirilən 25 yaşlı azərbaycanlı iş adamı Laçın Məmmədovun qatili müəyyən edilib.
Lent.az-ın yerli KİV-ə istinadla məlumatına görə, bu 35 yaşlı Gürcüstan əsilli Rusiya vətəndaşı Roman Bayram oğlu Qurbanovdur. İlkin araşdırma zamanı məlum olub ki, o və qətldə şübhəli bilinən Elmuraz Məmmədov Odessaya 2 həftə əvvəl gəliblər.
Qətldə təqsirli bilinənlər bu müddət ərzində Laçın Məmmədovu izləyiblər. Bundan sonra öz niyyətlərini həyata keçirə biliblər.
Hazırda onların axtarışı gedir.