0
Bakıda yeni marşrut xətti istifadəyə veriləcək.
Bakı Nəqliyyat Agentliyindən bildirilib ki, yeni marşrut xəttinin nömrəsi 177 olacaq. Yeni qəsəbələrarası müntəzəm marşrut xətti "Pirşağı" dəmiryol stansiyasını, Kürdəxanı, "Ləhic bağları" və Nardaran ərazisindən keçməklə Maştağa qəsəbəsini əlaqələndirəcək.
Sakinlər deyirlər ki, əvvəllər marşrut xətti olmadığına görə kilometrlərlə yolu piyada qət ediblər.
Yeni xəttin təşkili sayəsində sakinlərin marşrut xətti boyunca yerləşən təhsil müəssisələrinə, iaşə obyektlərinə, habelə yay mövsümü ərzində bağlara, çimərliklərə və istirahət mərkəzlərinə rahat gediş-gəlişi mümkün olacaq.
Yeni xətt üzrə avtobuslar bu gündən fəaliyyət göstərəcək.
///xezerxeber