“Bu vulkan sonuncu dəfə 1945-ci ildə püskürüb” – Qurban Yetirmişli

Daşlı adada vulkan püskürməsinin davamlılığı 8 dəqiqə davam edib, alov 20-25 saniyə müşahidə edilib.

Ucnoqta.az xəbər verir ki, bunu Respublika Seysmoloji Xidmət Mərkəzinin baş direktoru Qurban Yetirmişli mətbuat konfransında deyib.

Onun sözlərinə görə, vulkan axşam saat 21:51-də püskürüb:
"Vulkanın dərinliyi 1,48 km, gücü 2,17 ml olub. Seysmik stansiyalarla palçıq vulkanının partlayışı, ayrılan qazın miqdarı və s. parametrlər qeydə alınıb. Adanın özü bu palçıq vulkanının püskürməsindən əmələ gəlib. Axırıncı dəfə 1945-ci ildə burada vulkan püskürüb".