Azərbaycanda hakim özü-özünə ETİRAZ EDİB

12:45 - 18 İyul 2016 - ÖLKƏ İÇİ

Bu gün Bakı Ağır Cinayətlər Məhkəməsində qətldə təqsirləndirilən Babək Əzimovun cinayət işi üzrə məhkəmənin hazırlıq iclası keçirilib.

 

APA-nın məlumatına görə, hakim Faiq Qəniyevin sədrliyi ilə keçirilən prosesdə hakim özü-özünə etiraz edib. Buna səbəb hakimin ibtidai istintaqı aparan müstəntiqlə qohum olması göstərilib. Cinayət işinin başqa hakimin icraatına veriləcəyi açıqlanıb.

 

 

Xatırladaq ki, bu il fevralın 4-ü axsam saat 22 radələrində Xızının Giləzi qəsəbəsində 24 yaşlı Elmir Qulamovun qətlində təqsirləndirilən B. Əzimov saxlanılıb. Qətl hadisəsinə səbəb mərhumun B.Əzimova məxsus kafedə yemək yeyəndən sonra hesabı ödəməməsi olub. B. Əzimov barəsində qəsdən adamöldürmə maddəsi ilə cinayət işi açılıb.

Xəbər xətti