Tovuzda zavodda baş vermiş yanğın qısa müddətdə məhdudlaşdırılıb.
Bu barədə Ucnoqta.az-a Fövqəladə Hallar Nazirliyindən məlumat verilib.
Bildirilib ki, Tovuz rayonu, Qovlar şəhərində zavodda baş vermiş yanğınla əlaqədar əraziyə Nazirliyin Dövlət Yanğından Mühafizə Xidmətinin qüvvələri cəlb olunub.
Əməliyyat şəraitinə uyğun olaraq həyata keçirilmiş zəruri və təxirəsalınmaz tədbirlər sayəsində zavodda baş vermiş yanğın qısa müddətdə məhdudlaşdırılıb.
Hazırda yanğının tam söndürülməsi istiqamətində tədbirlər davam etdirilir.
Əlavə məlumat veriləcək.
10:07
Tovuz rayonunun Qovlar şəhərindəkı şərab zavodunda yanğın baş verib.
Hadisə yerinə Fövqəladə Hallar Nazirliyinin (FHN) Tovuz rayon Yanğından Mühafizə hissəsinin və ətraf rayonlardan yanğınsöndürən briqadalar cəlb olunub.
Hazırda yanğının söndürülməsi istiqamətində işlər davam edir.
Faktla bağlı araşdırma aparılır.///report
