2022-ci ildə Aİİ ölkələri arasında ən yüksək işsizlik səviyyəsi Ermənistanda olub
Ucnoqta.az erməni mətbuatına istinadən xəbər verir ki, Ermənistanda ötən il BƏT meyarlarına uyğun olaraq işsizlik səviyyəsi 13,4%, Qazaxıstan və Qırğızıstanda hər birində 4,9%, Rusiyada 3,9%, Belarusda isə 3,6% təşkil edib.
Eyni zamanda, 2022-ci ildə Ermənistanda orta aylıq nominal əmək haqqı 541 dollar, ən yüksək göstərici Qazaxıstanda (673 dollar), ən aşağı isə Qırğızıstanda (316 dollar) olub.
2023-cü ilin noyabrında Ermənistanın baş naziri ölkədə iş yerlərinin rekord dərəcədə artdığını bəyan edib - 730 mindən çox.
Milli Statistika Komitəsinin hesabatına görə, Ermənistanda median xətt üzrə hesablanan yoxsulluq səviyyəsi 2022-ci ilin sonunda əvvəlki ildəki 26,5 faizlə müqayisədə 24,8 faiz təşkil edib.
