Bakı-Qazax magistralında iki yük maşınının toqquşması ilə ağır yol-nəqliyyat hadisəsi baş verib. Ucnoqta.az "Report"a istinadən xəbər verir ki, hadisə magistralın Goranboy rayonunun Goran qəsəbəsi ərazisindən keçən hissəsində qeydə alınıb.
Belə ki, "Shacman" markalı yük maşını ilə betondaşıyan maşın toqquşub. Zərbənin gücündən "Shacman" markalı yük maşını dərəyə aşıb. Hadisə nəticəsində yaralıların olduğu bildirilir.
Faktla bağlı araşdırmalara başlanılıb.
