Avropa Şurasının Parlament Assambleyası (AŞPA) Rusiya nümayəndə heyətinin təşkilatın işində iştirak etməsinə imkan verən qətnaməni səs çoxluğu ilə qəbul edib. Virtualaz.org bildirir ki, bu barədə AŞPA-nın rəsmi saytı xəbər yayıb. Bildirilir ki, Rusiya nümayəndə heyətinin qayıtmasına Assambleyanın işində iştirak edən 190 deputatdan 118-i səs verib. Daha 62 nəfər qətnamənin əleyhinə səs verib, 10 nəfər isə bitərəf qalıb. Eyni zamanda, nümayəndə heyətinin səlahiyyətləri üzrə məsələ açıq qalır. AŞPA-nın məlumatında bildirilir ki, Rusiya nümayəndə heyəti ilə bağlı qətnamənin və Ukrayna, Gürcüstan və Böyük Britaniya parlamentarilərinin bu sənədlə əlaqədar təkliflərinə baxılması doqquz saat davam edib. Rusiya parlamentariləri artıq iyunun 25-dən Assambleyanın iclaslarında iştirak edəcək. Rusiya mətbuatının məlumatına görə, nümayəndə heyəti onun hüquqlarının məhdudlaşdırılması halında AŞPA-nı tərk etmək hüququnu qoruyub saxlayır.
Avropa Rusiyaya qarşı sanksiyanı ləğv etdi
0
Əvvəlki yazı