Goranboy Rayon Polis şöbəsinin rəisi Fəqan Azadəliyev "Səni axtarıram" verilişinin aparıcısı Xoşqədəm Hidayətqızına təşəkkür məktubu ünvanlayıb.
"Ucnoqta.az" "Ölkə.Az"a istinadən xəbər verir ki, rəis X.Hidayətqızına rayon sakini, 15 yaşlı Humay Xəlilovanın yerinin müəyyən edilməsində göstərdiyi köməyə görə təşəkkür edib:
"Hörmətli Xoşqədəm xanım, 02.01.2018-ci il tarixdə evdən özbaşına çıxıb getdiyinə görə anası Xəlilova Mətanət Cahangir qızının ərizəsi əsasında barəsində axtarış elan olunmuş 22.11.2002-ci il təvəllüdlü Goranboy rayonu, Xoylu kənd sakini Xəlilova Humay Canpolad qızının yerinin müəyyən edilməsində sizin və rəhbərlik etdiyiniz işçi qrupunun böyük əməyi olub. Bizə göstərdiyiniz köməkliyə görə sizə və rəhbərlik etdiyiniz işçi qrupuna təşəkkür edir, gələcək işlərinizdə müvəffəqiyyətlər arzulayırıq".
X.Hidayətqızı canlı efirdə Fəqan Azadəliyevin məktubunu oxuyub və cavablayıb:
"Hüquq-mühafizə orqanlarıyla çalışmaq, onlardan öyrənmək mənimçün fəxrdir. Çünki bu sahədə çalışmaq uşaqlıq arzum olub".