3
Bu gün Bakı Ağır Cinayətlər Məhkəməsində dələduzluqda təqsirləndirilən Qalib Süleymanovun cinayət işi üzrə məhkəmə iclası başa çatıb.
"Report"un məlumatına görə, hakim Şəkər Məmmədovanın sədrliyi ilə keçirilən prosesdə hökm oxunub.
Məhkəmənin hökmü ilə Q.Süleymanova şərti cəza verilib. O, məhkəmə zalından azadlığa buraxılıb.
Qeyd edək ki, Q.Süleymanov Cinayət Məcəlləsinin 178.3.2-ci (dələduqluz, külli miqdarda törəldildikdə) maddəsi ilə itiham edilib.
O, iki nəfər şəxsə qarşı ümumilikdə 130 min manat məbləğində dələduzluq etməkdə təqsirli bilinib. Məhkəmə istintaqı dövründə Q.Süleymanov zərərin bir hissəsini geri qaytarıb.