Ermənistanda atasına benzin vuraraq öldürən qadın bir il azadlıqdan məhrum edilib

Ermənistanda Karina Ovanisyan adlı qadın atasına dərman yerinə benzin vuraraq öldürüb. “Report” Ermənistan KİV-inə istinadən xəbər verir ki, ölkənin Açapnyak və Davtaşen rayonlarının məhkəməsi onu bir il azadlıqdan məhrum edib. İnformasiyaya əsasən, qadın atasının istəyi ilə ağrıkəsici dərmanı üzərində yarlığı olmayan kəskin qoxulu maye ilə qarışdıraraq, ona vurub. Məlumata görə, ekspertiza onun benzin olduğunu müəyyənləşdirib. Kişi vurulan iynə nəticəsində yaranan infarktdan ölüb.