Bakı Metropoliteni yeni inkişaf mərhələsinə qədəm qoyur.Sərnişinlərin daha rahat daşınmasını təmin etmək üçün 2011-ci ildə prezidentin təsdiq etdiyi Bakı Metropoliteni xətlərinin konseptual inkişaf sxeminə əsasən Dərnəgül stansiyası ilə Koroğlu arasında 2 stansiya tikiləcək. Bundan əlavə, 1 stansiya isə Koroğlu ilə keçid stansiyası olacaq. Bu stansiyalar da gələcəkdə dairəvi olacaq Yaşıl xəttin davamıdır.
Xatırladaq ki, Yaşıl xəttin digər tərəfi olan Xətai stansiyasından tikilməkdə olan Həzi Aslanov-2 stansiyasına qədər Nobel prospekti boyunca da 3 stansiya tikiləcək.
Hazırda 25 olan stansiyaların sayı 2030-cu ilə qədər həmin plana əsasən 76-ya çatdırılmalıdır. Hazırda Bənövşəyi xəttin Avtovağzal və Memar Əcəmi stansiyalarının davamı olan və şərti adı B3 olan stansiyası da tikilməkdədir. Hərbi Hospitalın qarşısında, Ceyhun Səlimov küçəsində tikilən stansiyanın 2018-ci ildə istifadəyə verilməsi planlaşdırılır.
Həmçinin gələcəkdə Günəşli, Qaraçuxur, Bakıxanov istiqamətində də stansiyaların tikilməsi nəzərdə tutulur.xəzərxəbər
Metro istifadəçilərinə şad xəbər: “Dərnəgül” “Koroğlu” ilə birləşdirilir
1
Əvvəlki yazı