29
ABŞ Səudiyyə Ərəbistanında fəaliyyət göstərən “Şərq–Qərb” neft kəmərinin işinin yaxın günlərdə bərpa ediləcəyini açıqlayıb.
Ucnoqta.az xəbər verir ki, bunu ABŞ-ın energetika naziri Kris Rayt CNBC telekanalına müsahibəsində deyib.
“Düşünürəm ki, çox yaxın zamanda kəmərin yenidən işlədiyini görəcəksiniz. Bu, qısamüddətli dayandırılmadır”, – Rayt bildirib.
Kəmərin nə vaxt fəaliyyətini bərpa edəcəyi ilə bağlı suala cavab verən nazir bunun bir neçə gün ərzində baş verəcəyini qeyd edib.
Onun sözlərinə görə, bu müddətdə Səudiyyə Ərəbistanı kəmərdən nəql olunmayan neftin alternativ marşrutla daşınması üçün operativ tədbirlər görür. Rayt bildirib ki, neftin bir hissəsi ABŞ hərbi qüvvələrinin müşayiəti ilə Hörmüz boğazından daşınacaq.