25
Bakı metrosunun “İnşaatçılar”, “Nizami” və “28 May” stansiyaları arasında fəaliyyət göstərən M2 nömrəli ekspres marşrutda sərnişinlərin rahatlığını artırmaq məqsədilə yeni tətbiqə başlanılıb.
Bu barədə Azərbaycan Yerüstü Nəqliyyat Agentliyindən (AYNA) məlumat verilib.
Bildirilib ki, sərnişinlərin avtobusa minmə prosesini sürətləndirmək və gözləmə müddətini azaltmaq üçün ekspres avtobuslarda əlavə validatorlar quraşdırılır.
Yeni sistem sayəsində sərnişinlər avtobusun həm ön, həm də orta qapısından eyni vaxtda salona daxil ola biləcəklər.
Qeyd edək ki, analoji tətbiq daha əvvəl M1 nömrəli ekspres marşrutda sınaqdan keçirilib və müsbət nəticə verib.