ABŞ NATO ölkələrini müttəfiq hesab edir

Vaşinqton NATO ölkələrini öz müttəfiqləri hesab edir, lakin onların kifayət qədər imkanlara malik olmasını istəyir.

Ucnoqta.az xəbər verir ki, bunu ABŞ-ın BMT-dəki daimi nümayəndəsi Mayk Uolts NATO-nun baş katibi Mark Ruttenin Vaşinqtona səfərini şərh edərkən bildirib.

"Əlbəttə ki, avropalılar bizim müttəfiqlərimizdir və NATO da bizim müttəfiqlərimizdir. Amma bizə real imkanlara malik müttəfiqlər lazımdır", – deyə o, Fox News-a verdiyi müsahibədə bildirib.

Diplomat əlavə edib ki, buna görə də Prezident Tramp on ildir ki, NATO üzvlərini müdafiəyə daha çox pul xərcləməyə çağırır".