4
"Güclü Ermənistan" partiyasının lideri, rusiyalı iş adamı Samvel Karapetyan Ermənistan Parlamentinin sədri Alen Simonyana qarşı ona qarşı böhtan xarakterli məlumatların təkzib edilməsi və 6 milyon dram (təxminən 16.000 dollar) məbləğində mənəvi təzminat tələb edən iddia qaldırıb.
Ucnoqta.az xəbər verir ki, Datalex məhkəmə aktları portalında dərc olunan iddiaya görə, Karapetyanın müdafiə heyəti məhkəmədən Simonyanı Parlament sədrinin 19 may 2026-cı ildə sosial media hesablarında verdiyi "yalan və böhtan xarakterli" ifadələri təkzib etməyə məcbur etməsini xahiş edir.
Karapetyanın müdafiə heyəti həmçinin məhkəmədən cavabdehin iddiaçıya böhtan üçün 6 milyon dram təzminat ödəməsini, eləcə də məhkəmə xərclərinin ödənilməsini tələb edir.